Крэдыты маладым спецыялістам

У мэтах аказання матэрыяльнай падтрымкі выпускнікам дзяржаўных устаноў адукацыі і ўстаноў адукацыі спажывецкай кааперацыі пры ўладкаванні на новым месцы жыхарства, прыцягнення і замацавання кадраў у сельскіх населеных пунктах, а таксама ў раёнах, пацярпелых ад катастрофы на Чарнобыльскай АЭС ААТ «ААБ Беларусбанк» прадастаўляюцца льготныя крэдыты на набыццё нехарчовых спажывецкіх тавараў беларускай вытворчасці ў памеры да 30-кратнага бюджэту пражытачнага мінімуму для працаздольнага насельніцтва, які дзейнічае на дату заключэння крэдытнага дагавора.

На падставе ўказа Прэзідэнта Рэспублікі Беларусь ад 27.11.2000 г. № 631 «Аб прадастаўленні льготных крэдытаў асобным катэгорыям грамадзян», крэдыты прадастаўляюцца выпускнікам дзяржаўных устаноў адукацыі і ўстаноў адукацыі спажывецкай кааперацыі, якія атрымалі прафесійна-тэхнічную, сярэднюю спецыяльную, вышэйшую адукацыю і прыступілі да працы, прызначаных на дзяржаўную грамадзянскую пасаду, вайсковую пасаду, пасаду начальніцкага і радавога складу ваенізаваных арганізацый па размеркаванні (пераразмеркаванні), працаўладкаванні ў залік броні, накіраванні (перанакіраванні), а таксама паступілі на ваенную службу па кантракце ў добраахвотным на працягу шасці месяцаў, якія ідуць за месяцам выдачы дакумента аб адукацыі, у воінскія часці, арганізацыі узброеных сіл, органы пагранічнай службы, размешчаныя ў населеных пунктах не па месцы жыхарства бацькоў (усынавіцеляў).

Ільготныя крэдыты прадастаўляюцца на працягу аднаго года з даты пачатку дзеяння першага працоўнага дагавора пры ўмове адпрацоўкі ўстаноўленага заканадаўствам тэрміну абавязковай работы па размеркаванні (пераразмеркаванні), працаўладкаванні ў залік броні, накіраванні (перанакіраванні) на працу, праходжання ўстаноўленага тэрміну службы пасля атрымання адукацыі, а якія паступілі на ваенную службу па кантракце ў добраахвотным парадку – не менш за два гады з дня заключэння крэдытных дагавораў.